我最愛的Lancôme美白孖寶

我已經用左Lancôme美白產品幾年，每次用完效果好到不得了。我的最愛係BLANC EXPERT精華，今年推出咗加強版：

全新全方位瞬白亮肌去斑精華素BLANC EXPERT Melanolyser HK$730/30ml

利用黑色素自然溶解的生物機制melanolysis，令黑色素細胞退化時會輸出過百萬黑色素顆粒到角質細胞和幫助黑色素退化同時表皮的角質細胞內的黑色素會進行自然分解。

質地係白色乳液同之前個支冇乜分別，有淡淡清香氣味。感覺好滋潤，有強效補濕配方推開使皮膚即時吸收哂。我塊面感覺到好水潤同好滑，肌膚變得好有光澤。如果要重點擊退黑斑，我會先搽全面再用少少乳液搽上黑斑，用打圈的動作輕輕按摩令到精華完全吸收哂。我用左兩星期，早晚搽，好明顯皮膚膚色均勻咗，色斑都談咗，睇落肌膚好健康。

我想再介紹一個好特別的面膜俾大家，都係Lancôme新推出的。

全新全方位瞬白亮肌蘋果肌凝膠面膜BLANC EXPERT Sun Loving Zone Bio-Cellulose Mask HK$630/6pc

因為面部最凸的地方係兩邊面「日曬部位」，呢個面膜可以短時間內改善及淨白膚色。

每 片面膜係獨立包裝，敷10分鐘就得。記住唔好抹走多餘的精華，可以利用按摩動作，輕輕打圈令皮膚吸收所有精華加強美白效果。產品建議每星期使用3次，我自己1星期就用1次效果都好好。因為我蘋果位有少量黑斑，D個面膜好適合我。用完兩樣產品後，皮膚變得又白又滑，老公都讚我白咗。