開開心心放暑假 @Disneyland

我哋一家人又去迪士尼啦，今次係Helia第5次入park，呢一次得囡囡表現得好興奮，由屋企出發開始已經不停講"今日我去Disneyland"。

Helia好叻叻，自己行左好多路，唔需要人抱，每到一個新景點就講"玩啦!"。



當日落大雨仲有黃色暴雨警告添，好彩食完lunch之後陽光伯伯出來了。行行吓比Helia見到Disney卡通人物，我地就排隊同佢地影相。



我今次想同大家介紹Disneyland新開放的「迷離莊園•Mystic Point」，帶大家睇下先:
 

位於「反斗奇兵大本營」和「灰熊山谷」中間的「迷離莊園」面積不大，由「迷離大宅」，「奇幻庭園」，「大冒險家餐廳」，「迷離珍藏店」及「迷離莊園車站」五部分組成。「迷離莊園」以原創故事為藍本，故事主要圍繞主角大名鼎鼎的探險家亨利爵士(Lord Henry)及猴子助手阿拔(Albert)，園區收藏了逾7,000件由亨利爵士周遊列國時蒐集之奇珍異寶。

 

「迷離大宅」，迷離莊園電磁廂車不但全球獨有，更是被譽為迪士尼史上最複雜的遊樂設施之一，因為利用射頻辨識及Wi-Fi技術，同時操控32架車在無軌路面。最特別是電磁廂車車程多變，會自動駛到不同的驚慄場景，每入一度門都有不同效果，所以要最少玩四次才可歷盡所有場景！

旅程全長約五分鐘，每架車可載六人，每次四架車同時出發。大宅採用最新設計的超高清4K級別投影機，炮製出40款視覺特效，加上音響及水滴、噴氣等5D效果，猶如置身私人移動劇院。

故事講述亨利爵士邀請賓客到他的大宅欣賞珍藏，但頑皮的阿拔卻打開了相傳有神奇力量的音樂盒，釋放出「音樂星塵」！看到「音樂星塵」後，所有物件變成動畫一樣，有一㳘的視覺同音響但係我覺得都有D驚。重點係我帶埋囡囡上車，仲要坐第一行。落車時佢話"下次唔玩啦"，但係全部冇喊到，店員哥哥見到佢直時送張貼紙同講"妹妹，你好叻呀"。

最後有個驚喜，我哋走時經過美國大街Helia囡囡聽到音樂就開始跳勁舞，有個工作人員哥哥行過嚟"你跳舞跳得好叻啊，哥哥送個波波比妳啊"! 哇，我哋真係好開心。

每次到Disneyland都會有一個奇妙的旅程，我哋玩得好開心尤其是系Helia，下次再見啦。