相信識我的朋友都知道我成日都會去旅行,其中最鍾意嘅地方就係Bangkok。因為泰國上年發出黑色旅遊警告所以我哋成年都無去過啦,真係好掛住Bangkok呀。
每年囡囡生日我同老公都會攞大假,今次我哋一家三口又可以一齊去旅行啦,咁梗係要去Bangkok啦。數數手指我應該都去過20多次Bangkok㗎啦,但係每次都玩得好開心,又可以行新Mall。
好多朋友都問我Bangkok啱你個囡玩咩?Helia夾埋今次已經去咗4次Bangkok,佢好鍾意呢個地方架。
今次酒店我哋住咗ARCADIA SUITE,自己book咗Superior Room但係酒店就知道Helia會在Bangkok過生日,佢地就免費upgrade間房到Premium Room。(係酒店1 bedroom suit最大間房)我哋聽到嗰陣時真係好開心,我哋仲要會住4晚添。
每日起身就去食一個好豐富好好味嘅早餐。
酒店會有免費tuk tuk車我哋去最近Phloen Chit BTS或Central Embassy,我哋每日都搭,返酒店我會打俾reception叫tuk tuk接我地添,真係非常方便。
食物方面,Helia最鍾意食海南雞飯,所以好多時候我哋都會去商場Foodcourt開餐。地方又乾淨又有冷氣,價錢都好平。(Eathai同Central Foodcourt)
去咗Hello Kitty
House食下午茶,呢蛋糕真係好好味,咖啡又好飲,但係價錢就貴左少少。
每次去Bangkok一定要去Renaissance食buffet,有蟹,生蠔,鵝肝,魚生,意粉Station,好多熟食,仲有芒果糯米飯等等都係唔使港幣$500兩位。
基本上大部分時間我哋都係向酒店hea,去泳池玩下水,睇下電視咁。我有會帶Helia到室內兒童遊樂場玩。Central World 5/F有一個好大嘅playground俾小朋友玩,自己睇到都好想玩埋一份,仲要係免費添。
Central Chitlom商場,兒童部都有一個室內兒童遊樂場但係就要收費,40Baht/HKD10一個小朋友就可以玩全日真係抵到爛 (香港一定搵唔到呢個價錢)。睇下囡囡玩得幾開心!
最後Helia 4歲生日,買咗一件Frozen公主衫俾囡囡切蛋糕,睇吓佢幾開心。
所以話只要我哋一家三口一齊去旅行,去邊都可以玩得好開心。嚟緊我又要開始計劃下一個trip,到時一定再同大家分享。